حلاق القرية+++

بسم الله الرحمن الرحيم

السلام عليكم ورحمة الله وبركاته

سمعت كثير عن حلاق القرية..............

يوم كانت القرية ما فيا شي

وكان الحلاق هو الطبيب وهو الاذاعة وهو الراوي وديوان الحارة

كان اله مركز كبير بالحارة

واليوم اجا عبالي نحيي ذكريات الحلاق

ونحكي قصص عن لسانه ..............

تخيل حالك انك حلاق الحارة

وبدك تسلي الناس بقصص او اي شي جديد علين

خليني ابدا انا:



سمعونا يا عالم

بدي احكيلكن شغلة صارت بمكان بعيد

بهذيك السنة يا جماعة كنت طالع بالبر صوب قرية بعيدة

وتهت وتاهت فيي رجليي

وما لقيت حالي الا بمكان بعيد

غريب

ما عرفت وين روح ولا وين اجي

ما شفت لا انس ولا حيوان

قلت يا سامعين بكمل مشواري بهالبر الغريب

ومشيت مشيت
لحتى تعبت رجليي واجا الليل وغلبني النوم

ويا جماعة نمت نوم ما شفت زيه بحياتي

وصرت أحلم اشكال وألوان

وحسيت اني نمت دهر

وما بكذبكو بس فقت من نومي

وشفت فوق راسي كم من واحد شكلن غريب

فكرت حالي عم بحلم

بس وعوني على حركات غريبة وبدون اصوات

حكيتن ما التفتوا ولا ردوا علي

بعد شوي دفشوني وقفت واخذوني معن على قريتن

قرية بتاخذ العقل

البيوت فيا صغيرة بس مرتبه بشكل انه كل البيوت زي بعضا

وحدائق بتجنن جنب كل بيت

وكان الصبح بعده عن يشق طريقه

والمنظر كله جمال بجمال

وجنب كل بيت صبية زي القمر

اخذوني على بيت الكبير فين

وبدون لا سلام ولا كلام

اعطوني اواعي من عندن ووجهوني عالحمام تحممت

وبس طلعت لقيتن مجهزين اكل من كل ما لذ وطاب

قعدت اكلت وهم يتفرجوا علي

بعدت غسلت ايدي واخذوني على غرفة نمت فيا

وكل هذا وما حكوا ولا كلمة

نمت ومفكر حالي عم احلم

رحت بنوم عميييييييييق

لحتى اجا المغرب

اجت صحتني بنت بتقول للقمر قوم وبتقعد محله

بدون ولا كلمة

صرت احكيا ما ترد

بعد شوي اكتشفت انها خرسا ما بتحكي

رق قلبي عليا وحسيت اني بكن لهالبنت حب كبير

انا قمت من فراشي ورحت لغسل

لقيت كل اهل البيت بستعدو ليطلعوا

وفهمت انن كلن خرسان ما بحكوا ولا بسمعوا

.............................

كيف بدي افهمن

كيف بدي اعرف ارجع للبلد

ما عرفت









والبقية تأتي هههههههههههههههههههههههه

يلا كل واحد يتقمص شخصية الحلاق


من خربشاتي