افتراضي كل ما فيني همس لـك كـل مافينـي دعـاك

كل ما فيني همس لـك كـل مافينـي دعـاك
كل مـا فينـي يحبـك طالبـك لا ترحليـن

كل ما فيني تألـم... ساعـه فراقـك بكـاك
دمعي اللي فاض يمه من عيوني فاض عيـن

كل مافيني تراجف وانحـدر شعـري رثـاك
يابعد كل القصايد ...يـا عنـا كـل السنيـن

منهي اللي بتحتويني اذا ابتعـد عنـي دعـااك
منهي اللي تقول وينـك لـو تأخـر لحظتيـن

منهي اللي تقول وشبك يا وليدي وش بلاك؟؟
ضاعف ومدري علامك خاطرك ماهو بزيـن

منهي اللي تقول اكلك مختلـف ماهـو بـذاك
هاك بس ياروح امك لجـل ارضـى لقمتيـن

منهي اللـي لامرضـت تقـول يايمـه دواك
حتى حبات الدواء... انساها وانـتِ تذكريـن

يمه بس ردي عليه مـن لـي يايمـه سـواك
منهي اللي ناصحتني بأمر دنيا وبأمـر ديـن

عايش ومانـي بعايـش يمـه اقـرب للهلاك
والله ان الياس يمـه ساكـن بعالـي الجبيـن

أظلمت دنيااااااي يمه عقب ما صرتي هنـاك
بطن الارض اصبح مقرك واللحد ولحاف طين

والله اني صرت يمه شايف المجـرم مـلاك
وصرت اشوف الشهم يمه من ردى وقتي لعين

اشتبه يمه بعيني هـذا مـع ذيـا وذيـااااااك
واختلط يمـه بعينـي غثهـا هـو والسميـن

يمه اسمي صار يمه مختلـف ماهـو هـذاك
اليتيم اصبحت يمه ... عقبك وحالـي حزيـن

كل مافيني اشتكالـك كـل مافينـي اشتكـاك
ليه يايمه رحلتـي ليـه عنـي تبعديـن؟؟؟؟

استغفر الله من سؤالي ...ما قصدت الا غلاك
الفنـاء .. شـيٍ مقـدر بيـد رب العالميـن

تـذكـري يــوم (ن) جـرحـتـك ......
تـذكـري يـــوم (ن) جـرحـتـك ....

تذكري يوم (ن) جرحتك وارتفع صوتي معاك
يـوم قفيتـي وبعينـك يـا غناتـي دمعتيـن

يوم تمتمتي عسى الله بـس ياوليـدي يهـداك
يوم كفكفتـي دموعـك ثـم صفقتـي اليديـن

سامحيني.... كنت مخطي والله لقبـل خطـاك
ويل حالي كيف يمه...... بتحمل طعنتيـن؟؟

الزمن مره طعني يـوم انـا جاحـد عطـاك
ثم عود لـي وطعنـي يـوم عنـي ترحليـن

كل مافيني ابتدأ بـك والغـلا يمـه انتهـاك
اسمحيلي قبل ما ارحل بـس اقلـك كلمتيـن

ليتها الاقدار ترضـى بـس تأخذنـي فـداك
والله انـي مـا تأخـر والله انـي مـا أليـن

وإلا اقلك هاك كفي ..يمه المشتـاق جـااااك
يكفي ابقى بس جنبك ..لو وسط قبرك دفيـن

مع خالص تحياتي

يعطيك العافية

تسلم يالمهاجر على تعليقك الجميل