Icon43 زوبعة فنجال....

بسم الله الرحمن الرحيم






مساء\ صباح
الخيرات عالجميع

اولا احب اقول الف مليون مبرووك لكل من تخرج ونجح
وحصد اعلى النسب وعقبال حياة جامعية مليئة بالطموح والانجازات
وثانيا اتمنى للجميع قضاء صيفية ممتعة مليئة بالاجواء الباردة والمسرات
وثالثا احب انزلكم جديدي عسى ان ينال اعجابكم ،،




زوبعة فنجال



ســــــرحت... والبـــــــــال لـــــزّم يقهـــــويني دلاله


ساق لي فنجال فكره وافكاري به زوبعه



ورشفت مُر الفكر حتى مزاجي تبدل حاله


استرجعت شيئاً ماكان ودي اني استرجعه



تذكرت ذاك اللي ارخصت عمري فداله


وكـــــانت غـــلاته في صـــــدر قلبي متــــــــربعه



وكـــان دمــــي قهــــوته ... والروح فنجاله


ومدّيت له من صادق شعوري وقلت: اقدعه



وكيفْت ّ جوّه وكل مافي خفوفي صفالهـ


تهنـــابي لين غـــدى كــل اولي لين اخــري معـــــــه



اسولف له .. وان اعجبته سالفة .. اعيدها له


واصــوغ المشــاعر شـــعر من بحـــــر حبــــي واسمعه



واليا ضــــاق به زمــــانه ... وســاء حـــــــــالهـ


يعـــــرف انه.في اقــــصى حشـــــايا مرجـــــعـــــه



ولمـــا قضى من حـــاجته بي ... وصــفاا بالــــهـ


وقتها بانت علــــــومه وانشـالت كل الاقنعه




تحسفــت على كـــل لحظـــــــة قضيتها قبالهــ


وتبرأ لساني من كل كلمة انقالت في مسمعه



وحرمّت بعده ..اثق بانسان لو زندني حبالهـ


ثقتي بالله الطــــــريق اللي يكتـــبه ابـتبعـــــــه



سرحت وتذكرت وبالي مدري وش طرالهـ


لـــــزّم يقهــــويني ... وانا شكلي ابخـــــربها معـــه



سالفة فكري مابين زوبعة فنجال وبيـــالـهـ

يالله عساها طـــــواري خير ... ويهديها من زوبعـــه

×××××××××××××××××


بقـلمـي -

يعطيك العافية

تسلم يالمهاجر على تعليقك الجميل